【香港】東洋山芒草盛放行山篇(另含10分鐘懶人登頂攻略）

一到秋天，天氣轉涼，係行山既好時間。每年10月尾11月頭，又到睇芒草既季節喇! 睇芒草唔一定要去大東山既。近飛鵝山既東洋山都有得睇！今次去既東洋山屬馬鞍山郊野公園，我地選擇係井欄樹出發。

是日行程：由井欄樹出發 > 經大藍湖上東洋山 > 係飛鵝山道離開

宜家既google map 好好，連簡單既行山徑都有。當日我地都係睇住google map 行，就會搵到衛奕信徑4段入口。

由井欄樹行去大藍湖中途，沿途都係樹蔭，行得好舒服。

有一個小石澗，非常清幽，河水清澈，影相都幾靚。

之後會經過一座荒廢了既大宅，往下走，到達大藍湖後開始就要行上山了！主要以梯級為主，梯級都幾大，如果少行山都會吃力。一路沿著衛奕信徑4段上山，大約要行45分鐘至1小時到頂。

行山速度快過寫blog，想睇片同最新既行山推薦，
請睇IG @ travelwithangel

行到咁上下，記住回頭睇風景! 會望到西貢全景，不過當日太大霧，能見度好底。如果天清應該會好靚!

去到最頂，山頭佈滿芒草。所有行山既人都聚集在此。行佐成3個鐘，身處於海拔533米既東洋山頂，要影多幾張相！雖然無太陽影相真係差好遠，不過一場黎到，緊係要慢慢影到夠。

平日行山，人流唔算多，要避開其他人影相都唔難。

喜歡香港大自然的朋友，邀請你加入探索香港大自然Facebook群組。
歡迎大家分享香港大自然、行山資訊。群組亦會組團郊遊。

好可惜行山當日好多雲，無太陽，無得睇日落，所以無去飛鵝山觀景台。如果天氣好，去到飛鵝山道可以行5分鐘去埋飛鵝山觀景台睇日落。

聽講東洋山附近既黃牛山都有得睇芒草，下次可以早幾個鐘出發，一次過去黃牛山加東洋山！

去到飛鵝山道，如果唔call車，可以選擇走車路到清水灣道喺彩虹或走衛奕信徑4段到慈雲山離開。

如果唔想行3-4個鐘上東洋山，其實有個終極懶人方法 – 就係自駕或搭的士去大老坳，經衛奕信徑4段上山，行大約10分鐘就可以去到上面第3個景點睇芒草。係咪好簡單呢！

路線：由井欄樹出發，經大藍湖上東洋山，係飛鵝山道離開
難度：中等 - 5/10
所需時間：約4小時 (包括攝影和休息時間)
距離：約8公里 
海拔增加：451米
看芒草月份：10月尾11月頭
途中廁所：沒有
途中補給：沒有