人見人愛大東山
香港睇芒草，大東山毫無疑問係最具名氣的景點！記得早幾年第一次上大東山，朋友 Wendy 係法國銀行返工，邀請我同佢一班同事去，成班鬼仔鬼妹行得勁快，當年好少行山既我，都真係上山上到腳軟。記得最尾行完去到貝澳，去Treasure Island 望住個海好chill 咁食飯，都幾rewarding。
個個都去大東山，唔通個個都想去大東山咩？
雖然喺香港睇芒草既地方都唔少，但係大東山嗰頭既芒草開到成個山頭都係，又真係可以話係全港最靚！
Patagonia 巴塔哥尼亞國家公園遠足
前年喺巴黎住，另一位 Wendy美國朋友黎巴黎探我既時候，邀請我同佢班行山朋友去Patagonia行山！對於未試過連續行幾日山既我 (2日1夜都未試過)，都真係幾大挑戰！因為呢個機會都幾難得，所以決定接受挑戰！自從經過今年1月份係智利Patagonia 國家公園連續行咗八日山，仲要背住約十幾磅既背包，真係覺得自己行山能力升佐幾個level。成班人一齊行山真係好開心，好期待下一次！
又放吓智利Patagonia 既毒照😂 沿途風景變化萬千，從一望無際的山脈和冰川，到晶瑩透徹的湛藍湖水，都是令人心心眼的風景😍😍
除佐智利既Patagonia，阿根廷嗰邊既Patagonia都好正！特別鐘情El Chaltén，喺Laguna de los Tres望Fitz Roy真係好靚。當日係2020年1月1日，自已一個人行山中途發生佐3樣都幾特別既事！
分別係：
1/落山途中撞到朋友(因為朋友中午先到所以無等佢上山)，但miss佐佢地求婚(!!!)
2/行錯路但撞到岩岩認識既新朋友，佢之後寫佐封多謝電郵比我。
3/行錯路錯有錯著，識佐3個意大利靚仔，行完山佢地請我飲啤酒！
聽說當日係3個月內最好天既一日，藍天無白雲，真係靚到dum 一聲！有機會寫Patagonia再分享。
係咪覺得外國行山好正? 唔知點解行山既男人好多都幾靚仔。上山前一日係酒吧露台飲野同一對法國兄弟搭枱 (咁梗係再搭埋訕)，兩個法國仔都超靚仔！
大戰大東山二回合
講返大東山先！今年上佐去大東山2次。由於第一次因為朋友輕微中暑，無法去到爛頭營，所以決定再次挑戰大東山。
第一次路線：伯公坳 > 大東山 >伯公坳
第二次路線：東涌 > 白芒村 > 蓮花山 > 爛頭營 > 大東山 >伯公坳
下面會介紹4條熱門路線同交通。
下次會介紹一個睇芒草都好正既山，沿途聽到唔少其他行山友話：「呢度靚過大東山呀！」
唔想錯過就記住讚好Facebook獲得最新消息！
兩次都係平日去，避開人潮，其實第一次去，因為好好天，成個山頭都人山人海，都需要有段時間係排隊上山同落山，而當日日落都真係好靚。第二次去大東山，當日陰天，人流明顯地減少。
天晴同天陰拍攝既芒草其實都靚，各有不同味道。天陰行山雖然沒有藍天白雲，對拍攝來說稍為遜色，但對行山來說，的確舒服好多。
大家又喜歡天晴或天陰行山呢？
第一次路線：伯公坳 > 大東山 > 伯公坳
上大東山，想影芒草同日落，揀佐條最大路同容易既伯公坳上山來回既路線。上山期間，朋友突然唔舒服，眼前一黑，所以坐低休息。香港人真係好好人，好多途人關心同伸出援手。有經驗嘅行山阿叔，分析後覺得朋友係輕微中暑，叫佢先休息，如果無好轉就要落山了。亦有女仔好豪氣地送上一支寶礦力。多謝哂咁多位善長人翁。
休息一輪後，朋友冇事，可以繼續上山。不過大家如果真係中暑，千祈唔好勉強上山，身體要緊！不過時間都不早了，沿途又影相，最後只上到去觀景台再上少少，見到好靚既日落，就要沿路抑返了。
沒有到人多的大東山跳板石，在另一塊石拍照。很快便已到日落黃昏之時。黃昏之時的柔和溫暖光線配上盛開的金黃色芒草，是絕配。
今日天氣好，有個勁靚既日落。隨便拍都像明信片一樣美。
個太陽落山落得好快，行佐一陣，個天都黑哂。要用電筒行落山。黃昏時段天氣都好涼，記住帶件風褸！
落山既時候，前面有個女仔一路落山一路講電話，一個唔小心，就跌倒了。幸好當時也在下山的一位物理治療師在場看到，她立即幫手檢查女仔的腳部，還好沒有大問題。香港人真的好有愛心。❤️記住行山時專心行山，唔好一路聽電話一路行。
鐘意睇芒草，去東洋山都係個唔錯既選擇！
↠【香港】東洋山芒草盛放行山篇(另含10分鐘懶人登頂攻略）
第二次路線：東涌 > 白芒村 > 蓮花山 > 二東山 > 大東山 > 伯公坳
再挑戰大東山第二回，有網友話蓮花山都好靚所以順便去埋蓮花山。今次朝早就出發，由東涌行去白芒村。強烈建議搭的士而非由東涌行45分鐘前往，因為原本既海景宜家係填海工程進行中，咩景都無！慳返時間同腳力好過！
大部份路程都係一路上山，行開山既阿爸都行到索哂氣。山上景觀開揚，可以望到宜家東涌填海嘅情況，都幾有趣！整個東涌同埋機場範圍都一覽無遺。整個路線都不停上山下山，要經過好幾個山頭，都需要有相當的體力和魄力。中途基本上無離開路線(其實都有既，但都要行好遠同落山既路都高難度)，行山的確係一個好好既mind training，鍛鍊不放棄既精神！
未去到蓮花山，都會經過大片芒草田，啲芒草高過人，呢度人唔多，任影唔嬲。
上蓮花山頂係無路牌既，好彩當時我地有向落山既人問路。行山既時候唔好怕羞，記住同多啲人傾偈，交流下資訊！蓮花山頂都有唔少芒草，又有海景。上山尚算容易，但是往二東山方向下山，有點崎嶇，而且都是浮砂碎石路，需要着行山鞋，並且有需要手腳並用/或者用pat pat 落。蓮花山同大東山同爛頭營相比起，其實係相對平平無其。不過如果順路，都值得登頂一看！
然後會來到一個分叉路口，往左手邊去南山，往梅窩方向；而我們則往右手邊向二東山進發。大約半個多小時後，便能看到爛頭營。看到爛頭營的時候，在右手邊有黃龍郊遊徑，可以直接下山回到東涌，但這個路線比較陡峭。
整個爛頭營山頭是芒草，非常之澎湃。當日是星期五，所以也有很多露營人士準備紮營。行佐幾個鐘先到爛頭營，梗係要影多幾張相。
滿佈山頭的石屋俗稱為「爛頭營」，為外藉傳教士喺1920年代為避暑而建的渡假屋，現為私人或團體財產。其實呢堆屋並沒有變成廢屋，亦有出租俾人住。話哂都係人地間屋，將心比己，切勿攀上爛頭營屋頂。
喜歡香港大自然的朋友，邀請你加入探索香港大自然Facebook群組。
歡迎大家分享香港大自然、行山資訊。群組亦會組團郊遊。
時間亦不早了，繼續往大東山方向進發。由於快要日落了，所以不上大東山山頂。這邊有一個非常漂亮的打卡位置，芒草田配一覽無際的海洋景，切勿錯過！
因為陰天的關係，沒有漂亮的日落，所以少了一班拍攝日落的攝影師上山，相比起上一次到大東山人流大概少了九成。雖然沒有太陽拍照有點遜色，但是陰天行山的確比較舒服，而且人流亦較少，其實也非常不錯！
發掘更多香港的美：
【香港】簡易行山看香港最美風景 – 山頂盧吉道夜景、西高山日落(附拍攝技巧)
【香港】鳳眼藍花海綻放 串串紫色花海 元朗盛屋村 (含花海位置地圖)
【香港】隱世「溫泉」- 水清沙幼綠蛋島
【香港】東洋山芒草盛放行山篇(另含10分鐘懶人登頂攻略）
【香港】世外桃園向日葵花田 – 信芯園
大東山路線選擇
大東山係全港第三高的山峰，海拔869米，要不停行上山。如果係行山新手可能會有點吃力，最好行吓其他BB班路線先再挑戰大東山！去大東山係有好多唔同路線，整理佐一下，大家可以揀最合適自已既路線去行!
上落山選擇：
難度為5⭐最難
1/ 從伯公坳沿鳳凰徑上山到大東山 距離：單程2公里，來回約4公里 難度：⭐⭐⭐⭐ 評語：最熱門上山路線，係東涌搭巴士到伯公坳落車上山。人流亦超多。 2/ 沿黃龍坑郊遊徑上山到大東山 距離：單程約2.3公里 難度：⭐⭐⭐⭐⭐ 評語：石階又高又直，途經樹林，路程陡峭，梯級高度落差大，難度較高。 3/ 從南山沿鳳凰徑上山到大東山 距離：單程約4.5公里 難度：⭐⭐⭐⭐ 評語：路程較長，但比較平坦。 4/ 從白芒村上山到大東山 距離：單程約8公里 難度：⭐⭐⭐⭐⭐ 評語：路程稍長，需經幾個山頭才到達大東山，需要不停向上行，需要一定體力。 *如果想睇日落，建議係大東山睇完，伯公坳落山，因為較易落山。 所有路線： 途中廁所：沒有 途中補給：沒有 常見路線： 路線1/ 伯公坳 > 大東山 >爛頭營 >伯公坳 (來回） 路線2/ 白芒村 > 蓮花山 > 爛頭營 > 大東山 >伯公坳 路線3/ 伯公坳 > 大東山 > 爛頭營 > 黃龍坑郊遊徑 >東涌 路線4/ 梅窩 > 南山 (也可在搭巴士到南山開始) > 爛頭營 > 大東山 > 伯公坳 *此為鳳凰徑第一(梅窩至南山)加第二段(南山至伯公坳)
大東山交通
東涌出發交通：
| 目的地 | 巴士路綫 |
|---|---|
| 伯公坳 | 3M、11或23前往伯公坳巴士站 |
| 南山 | 1、2、3M或4前往南山營地巴士站 |
| 梅窩 | 1、2、3M或4前往梅窩 |
| 黃龍坑道步 | 3M、11、23或34號，或直接由東涌市中心步行前往 |
| 白芒村 | 36號巴士(班次疏落)、的士或直接由東涌市中心步行前往 |
3M巴士有分段，只需6元，上車泊卡前同司機講喺伯公坳落車，唔好比多車費呀！
Angel的小貼士
- 保護大自然
保持大自然清潔，不要在任何地方留下垃圾 - 唔好自己喺芒草田開路，只行己經開佐既路徑保護植物
- 最好穿登山鞋，可以穿運動鞋但請小心
- 行山前拉筋，行完山都拉拉筋 🙂
- 使用防曬霜避免曬傷
- 自備食物和水，因為附近沒有補級點
- 切勿攀上爛頭營屋頂
- 如果睇完日落先落山，記住帶電筒同風褸保暖
