早前朋友搵場地結婚send咗啲片黎睇，有個好靚無敵海景既餐廳，點解未見過既？原來係喺灣仔碼頭新開既Pier 1929。不過最後朋友揀咗喺W hotel 擺酒，無機會參觀Pier 1929。
最近Pier 1929 推出花朝月夕下午茶，二話不說約朋友圈內既「下午茶專家」Joey去食。好彩夾到日子，見到就即係book！結果短短幾日內，整個下午茶6月份booking 火速滿額。睇黎香港人真係好鍾意食afternoon tea！
下午茶分兩個時段供應，我地選擇了第二時段 5:30-8pm，可以順便當晚餐吃。
餐廳內有一條花花長廊，是參考倫敦night club Annabel 而製作，絕對係港女打卡熱點！
花系主題的三層架下午茶
Pier 1929前身為築地山貴水產市場，目前改造成包場和婚禮場地。場地唔算太大，但裝潢設計都好有格調，又面向維港風景，望住呢個風景得確令人心曠神怡。
暫時6月份推出下午茶，不過聽聞7、8月都會有下午茶，大家可以留意官網資訊！不過真係好難book，但間唔時會有一張枱放出，大家得閒就上網睇下啦！
安坐好後，職員立即送上welcome drink – 少女粉紅色好吸引，係好甜好好味既Mascato Rosé，好襯成個tea set。要讚一讚呢度既service好好，職員都好attentive，又會幫客影相。
鹹點:
鮮蝦芒果迷你牛角包 😋😋
芝士和牛迷你漢堡
松葉蟹肉青瓜三文治配三文魚子
巴馬臣火腿蜜瓜香草包多士 😋(可無限添吃)
煙三文魚酸忌廉撻配黑魚子 😋(可無限添吃)
焗酥皮雞肉批 (可無限添吃)
甜點:
柚子魚子配橙花水奶凍
雲呢拿吉士拿破崙配紅莓 😋
百利酒提拉米蘇雪糕筒 😋
法式檸檬撻😋 (可無限添吃)
自家烘焙英式提子鬆餅 (可無限添吃)
士多啤梨忌廉蛋糕 (可無限添吃)
鹹點方面，最喜歡鮮蝦芒果迷你牛角包，好可口既配搭，一試難忘，不過好可惜無得refill。另外巴馬臣火腿蜜瓜香草包多士同煙三文魚酸忌廉撻配黑魚子也值得再添吃。
至於甜點最重要之一既Scones 比較硬身，似shortbread 既口感，配上的clotted cream不是新鮮的，對scones 有要求既朋友會失望。百利酒提拉米蘇雪糕筒造型可愛而且好吃。雲呢拿吉士拿破崙配紅莓都不錯，不過我都係比較喜歡 Rosewood Butterfly room 既Mille-feuille。Joey 最喜歡法式檸檬撻，檸檬味道特出。
柚子魚子配橙花水奶凍係一個好特別既甜點，甜版魚子醬既感覺。
最後職員會另外送上士多啤梨忌廉蛋糕。整個士多啤梨忌廉蛋糕外型好靚(睇相)，不過我miss佐所以睇唔到🙈未切之前放佐係中間呢張枱。
更多下午茶推介：
【香港】Rosewood High Tea 瑰麗酒店甜蜜下午茶｜閨密篇
【香港】Palco尖沙咀海景 驚喜海鮮下午茶 (因為一個甜點而想再訪)
至於飲品方面，點了Cameral & Apple 同 Jasmine lemongrass，前者清甜可口，好喜歡；後者味道太澀，不推薦。茶壺和茶杯都好靚。
打卡最正應該係corner 海景位，除非坐window seat，如果唔係想影靚相都有啲難度。不過大部份枱既風景都唔錯，望到海，唔駛擔心。
選擇喺第二時段 5:30-8pm食仲有個好處，就係可以睇埋夜景，成個氣氛都好浪漫架，好適合情侶。
應該係開工前最後一次afternoon tea，未來幾個月要好好工作。💪🏻
下次介紹另一個都係睇到海景，仲平啲同埋想encore既人氣下午茶，記住讚好Facebook獲得最新消息！
Pier 1929 花朝月夕下午茶資料
餐廳：Pier 1929
地址：灣仔渡輪碼頭2樓
價錢：$598/兩位 (另外加10%服務費)
供應時段：第一時段 2:30-5pm、第二時段 5:30-8pm
餐廳網址：https://www.pier1929.hk
預訂網址：可按此預訂Pier 1929 下午茶。
