第二次登上大帽山。大帽山係香港最高的山峰，高海拔957米。秋天有芒草睇! 通常觀賞芒草最佳時間是10月底至11月頭。
今次行個幾有趣既路線，可以唔駛行車路，又安全，風景又靚。
是日路線：川龍>妙高台>大帽山天氣雷達站>大帽山茶水亭
由川龍出發
原本想係川龍飲茶先出發，但又怕人多要等位，都係食完早餐先出發！
喺三生酒廠後面有條小路上山，沿指示上就會搵到個唔太明顯既入口。
第一個景點 – 竹林深處人家
暫時無得去日本嵐山，呢個頂住檔先！路線一開始就係竹林，範圍好細，要影相就先影佐先再上山。其實香港都有好靚既竹林，遲啲會同大家分享！
跟住一段路都有樹陰，行得好舒服。又扮去佐日本行山！其實真係同屋久島某啲位個feel幾似架！不過屋久島經常好大霧，所以感覺仙氣十足，而且青苔亦都比較多。
放一張屋久島毒照先😂 鐘意行山既，屋久島真係好正，去吸收下大地靈氣。遠到就連歐美既外國人都知道屋久島出名行山正，吸引佐唔少外國遊客。其實同城門水塘既白千層樹景都有啲似！
一路沿住shortcut 直上山(睇絲帶直上山，不需要轉左或右)，行大約40分鐘至一小時，就到妙高台。呢個位有啲似行山上馬丘比丘 Machu Picchu，可以直上行shortcut，或者zipzap 行石屎車路轉上山。
無得去旅行咁慘，比埋馬丘比丘 Machu Picchu你地睇！
行到咁上下，記住轉個頭睇返個城市景。天氣好會睇到荃灣同汀九一帶，當日能見到低，只能睇到大霧籠罩嘅市景。眼前既小山丘就係妙高台。
發掘更多香港的美：
【香港】簡易行山看香港最美風景 – 山頂盧吉道夜景、西高山日落(附拍攝技巧)
【香港】鳳眼藍花海綻放 串串紫色花海 元朗盛屋村 (含花海位置地圖)
【香港】隱世「溫泉」- 水清沙幼綠蛋島
【香港】東洋山芒草盛放行山篇(另含10分鐘懶人登頂攻略）
【香港】世外桃園向日葵花田 – 信芯園
臨到妙高台前，妙高台下面既大石都有一埋芒草，可以影下相打卡。如果天氣好，可以飽覽荃灣區。
朋友發現地下有野閃閃發光，仲要周圍都係，起初以為係銀，睇真啲其實係癡喺蜘蛛網嘅露水！咁熱都唔會曬乾，大自然美真係好神奇。
細心發掘，不難發現大自然的美處處都在。
第二個景點 – 妙高台
妙高台有個山火暸望台，非常容易認。一路行上山，來到妙高台可以休息一下。妙高台海拔765米，係香港第七高的山峰。休息過後，便可以向着大帽山方向進攻香港第一高的山峰。
第三個景點 – 天氣雷達站
離開妙高台向上行，大約10分鐘就到大帽山車路，沿車路行上登，需時30-45分鐘。
大大個白色波波被稱為「白波」，係天氣雷達站。見到天氣雷達站就諗起「那夜凌晨，我坐上了旺角開往大埔的紅VAN」，又真係幾科幻既！天氣雷達站下面有唔少芒草，不過我無帶長鏡，得一支定焦鏡，難以發揮。
行山速度快過寫blog，想睇片同最新既行山推薦，
請睇IG @ travelwithangel
鐘意睇芒草，去東洋山都係個唔錯既選擇！
↠【香港】東洋山芒草盛放行山篇(另含10分鐘懶人登頂攻略）
如果天氣好，可以望到新界的錦田平原、九龍區，但當日能見度太低，只能看到模糊的景色。沿路見到好多人踩單車上山，好厲害！下次上黎要睇埋日落或者雲海!
我地仲睇到又稱為「香港薰衣草」既紫花香！不過數量唔多，零碎地係芒草同鼠尾草附近出現。
落山去到大帽山閘口，行麥理浩徑落山，主要向下行，但中途亦需要向上行。回程既時候，同朋友講：「好想食豆腐花呀! 行呢啲郊區地方。」點知大帽山茶水亭真係有豆腐花食，好開心呀！行完山食個下午茶先走，真係好滿足。
喜歡香港大自然的朋友，邀請你加入探索香港大自然Facebook群組。
歡迎大家分享香港大自然、行山資訊。群組亦會組團郊遊。
是日交通
出發：荃灣川龍街乘80號綠色小巴到終點站川龍
回程：荃錦公路的郊野公園站搭乘51號巴士前往港鐵荃灣站/荃灣西鐵站
懶人登頂法
坐的士或自駕(大約十多個車位)前往大帽山閘口，大約行45分鐘至1小時便能登頂。
大帽山行山資訊
難度：中等 - 5/10 所需時間：約3小時 (不計休息和拍照時間) 距離：約7.5公里 海拔增加：497米 途中廁所：沒有 途中補給：沒有
Angel的小貼士
- 保護大自然
保持大自然清潔，不要在任何地方留下垃圾 - 走在標記的路徑保護植物
- 帶一些食物和飲料
- 最好穿登山鞋，可以穿運動鞋但請小心
- 夏天出發，記住帶足夠水，不停補充水份，以免中暑
- 行山前拉筋，行完山都拉拉筋 🙂
- 使用防曬霜避免曬傷
