因為最近喺銅鑼灣返工，一直都想放工後去附近既SKYE happy hour 一下。可惜工作繁忙，一直無機會。本來打算去銅鑼灣避風塘吃晚餐前到SKYE飲返兩杯先上船，不過睇完menu覺得多啲人一齊食海鮮會開心啲，所以再擇日出發！
剛好SKYE 五週年，指定日子半價！優惠詳情請見底部。
環境
位於柏寧酒店27樓，開揚既景觀，落地大玻璃望住維港skyline睇日落，夠哂 chill。良晨美景可以同好朋友或另一半渡過，係一種賞心悅目的享受！如果想坐沙發位置，需要四位以上。
雖然日日返工都睇住同一個海景，但維港景真係百看不厭！
想起位於 New York Brooklyn 既rooftop bar Westlight，同樣係落地玻璃天台望海，望到對岸既Manhattan skyline! 不過上年新冠肺炎開始肆虐，而且3月仲係好凍，所以無去到。下次再去New York 要安排喺夏天，可以試下rooftop bar hopping!
要讚下男朋友發現呢個咁靚嘅攝影角度 – 維港大電視! (其實一行出個Rooftop bar 就見到，不過我完全Miss咗😂)
帶點futuristic 的風格設計，讓人有一刻感覺似置身外地。
細心既職員安排我地轉到近海位置坐。這邊風景望到維園，萬家燈火的景象，極具香港特色。
最正既打卡位當然係望住維港！Rooftop bar 不設訂位，最近海景的一排位置不算多，想坐近海就要早啲去到！
飲品
Passport menu 真係成本passport 咁，入型入格！入面列出以唔同國家為主題既cocktail。令人好懷念收埋佐成年幾無用過既passport。至於另一本就係正常bar Menu，除了飲品外，另有小吃供應。
點了New Zealand Kia Kaha。一來到杯飲品係灰藍色的，原來係蝶豆花的原故。後來另外加上另外一小杯黃色的菠蘿和蜂蜜後，變成暗粉紅色。味道不太甜，很合適炎夏。
食物
因為同男朋友食咗法國生蠔先過嚟，打咗個底所以晚餐唔需要食太多。我哋叫咗個四川風味薯條同埋pizza。四川薯條係Belgian fries style，微辣的香草配上蛋黃醬或茄汁，非常可口，令人吃個不停。肥肥胖胖的薯條，很易吃飽。
另外叫咗個石烤黑松露芝士薄餅，係我最鍾意嘅薄底Pizza。Crispy crust 加上瑞士芝士gruyère配上黑松露，味道豐富濃郁，作為小吃的確一流！
夜幕低垂，可以係呢個舒適嘅空間享受廣闊的維港夜景，吃着小吃和喝酒，非常寫意。
剛移民到英國既朋友，見到我IG story，都表示佢好鍾意SKYE，除咗抵食，個景又靚。約唔到你去SKYE，遲下去英國搵你飲返杯啦！:)
SKYE 五週年優惠詳情
- 優惠只適用於9月5日、15日、25日的下午5時後
- 消費正價需要滿$500才可獲半價優惠 (另需以正價計算加一服務費)
- 每枱只需出示一位護照，並 follow SKYE嘅Instagram，上載一個在SKYE 拍照的照片post 或story便可！
- 優惠只適用於rooftop bar menu 或passport menu。
SKYE Roofbar and Dining 資料
餐廳：SKYE Roofbar and Dining
地址：銅鑼灣告士打道310號柏寧酒店27樓
餐廳網址：https://www.parklane.com.hk/zh/skye.html
預訂網址：不設預訂
