【冰島】北極光全攻略(含攝影教學)

冬天到冰島，看北極光當然是不能錯過的！什麼月份可以看？如何有較大機會看得到？慢慢看，我們為你一一解答！

什麼是北極光？

根據科學原理解釋道﹐北極光是帶電的高能粒子和高層大氣中的原子碰撞並形成一股太陽風﹐及後受到地球磁場影響而進入大氣層﹐造成了發光現象。

極光只有在靠近兩極的地方才能看得到﹐之所以北極光叫北極光 Northern lights而非南極光Aurora Australis﹐主要是因為這種難得一遇的光舞表演於北半球較為常見。換言之﹐南極光亦是存在的﹐但僅限於緯度較高的地區、南極洲及阿根廷部份城市﹐普及程度並不及北極圈。
至於Aurora（歐若拉）這個名字是極光的拉丁語別名，由傳奇科學家伽利略賦予極光的。Aurora 這個名字是古羅馬神話裡面「曙光女神」的名字，由於伽利略巨大的影響力，西方人大多數也都會跟隨伽利略，稱呼極光為Aurora。

如何看到北極光？

想有較高機率看到北極光，先要注意以下先決條件，可以增強看到北極光的機會哦！

• 黑夜

看北極光的最先決條件，個天要夠黑。暗黑的天空，能帶出北極光鮮豔的顏色。

• 緯度愈北﹐機會愈大

愈接近北極圈，能看到北極光的機會較高。所以在冰島北部，機率上會比在南部看到極光的機會會較高。

• 雲

記住，雲係你最大敵人！就算北極光舞動得有多美，如果烏雲佈滿於天空，遮擋了雲上的天空，都是會看不見北極光的。

點解會講追極光？因為好大機會，你要去搵一個無雲既地方先可以見到北極光。所以如果天空有雲，會前往找尋一個天空沒有雲的地方，等待北極光。不過天空既雲會不停變動，所以搵當地富有經驗既導遊帶你地追極光，有專家帶領勝算會較高！

• 沒有光害

位於沒有光害，遠離城市光害既地方，會看得較清楚。

• 怕不怕月光光？

光害係最好避免，但月圓之時，天然的月光其實對北極光影響不大，反而月光可以照前景，方便拍攝人像加北極光。所以不用太擔心，月圓之時也能看到漂亮的北極光。

點解去冰島睇北極光？

其實好多地方都睇到北極光﹐愈接近北極圈既地方就愈大機會睇到﹐因為極光帶覆蓋較大﹐例如撕威、芬蘭、瑞典、加拿大等等國家都係追極光既熱點﹐咁點解仲有咁多發燒友去冰島睇呢？主要係因為冰島整個島都係極光帶入面﹐換言之即係你身處咩位置﹐只要天氣條件配合﹐無咩人造燈光﹐你都有機會睇到北極光﹐同其他國家唔同﹐你要去到某一啲城市先會睇到﹐交通無咁方便之餘安排行程時都會相對困難﹐所以冰島係睇北極光既不二之選！

加上冰島擁有好多自然景觀﹐例如各式各樣既瀑布、冰河湖、冰川、火山等等作拍攝北極光既背景﹐真正獨一無二既視覺效果！例如最出名既觀賞地點：斯奈山半島既教堂山﹐就係一個好好既例子啦。係冰島除左睇北極光﹐仲有其他好值得一睇既天然景色﹐環島一圈﹐去到邊追極光追到邊﹐絕對值回票價。

什麼月份最易看到北極光？

之前講了，在黑夜才見到北極光，所以在日短夜長的冬季會最易看到。那在冰島什麼時候才天黑呢？5-8月，冰島有午夜太陽(midnight sun)，即是午夜時份太陽還沒下山了。其實8月份也有機會看到北極光，不過9月開始，晚間時間會愈來愈長。所有冰島的北極光團都會在9月頭至4月中出發，所以最佳月份就是9月頭至4月中了！

每天都有客人問我們，什麼月份最易看到北極光？9月頭至4月中，沒有某一個月份最容易看到北極光，所以不用特別考慮那一個月份出發。至於時間方面，通常晚上 10 時至凌晨 2 時呢段時間，看到極光的機會較高。

是否一定睇到北極光？

睇北極光除了以上條件會較高機會睇到北極光，但並唔代表一定睇到。如果想睇極光，建議係冰島留最少五至七天，到冰島第一晚就開始追極光，睇唔到就唯有繼續等。

為什麼極光有不同顏色？

很多人誤會了極光就只有綠色﹐這是一個非常錯誤的觀念！其實紅、黃、藍、紫和粉紅也是會發生的極光顏色﹐以紅綠兩色為主。綠色是最常見肉眼可看見的顏色﹐由於它是由相當高的氧原子濃度組成﹐而眼睛對綠色的光較為敏感﹐所以綠色的極光是最為常見。

另外於較低高度下﹐氮原子會放出暗藍和粉紅色的光﹐由於氮原子放出光子的速度較快﹐所以於低處的極光移動得比高處快﹐所以肉眼看起來於綠光下往往呈藍色和紫色﹐這亦代表太陽的活動十分活躍。而紅色則是出現在最高處﹐只有在太陽活動非常強烈下才能被看見﹐所以肉眼能捕捉得機會較微。

綠色的深淺度有別﹐有時間各種顏色會混合為其他顏色如粉紅色、黃色等﹐視覺效果一流！不過始終極光強弱相差大﹐於極光大爆發時﹐肉眼就已經可以清楚看見非常搶眼的綠色；但於極光非常弱的時候﹐肉眼就只看到淺白色﹐需以相機才能拍下淡淡的綠色。

天氣

很多人覺得冰島好凍，凍到-20至30度，我地要打破大家的誤解，冰島最凍只係約-5度，不算特別冷！如果真係好怕凍，9月份氣溫相對地無咁凍，夜晚暖凍都係5度左右。最凍係1月同2月，怕凍就盡量避免呢兩個月。

看北極光準備須知

預測

極光預測只作參考，最終看不看到北極光，還是要靠點運氣的！

什麼是KP值

KP值即是極光指數﹐又稱為地磁風暴的指數﹐是觀測極光最重要的指標﹐分為十級；由0-9量化出地磁風暴的程度﹐數字愈大﹐程度愈高﹐指標愈強。指標愈高代表極光覆蓋的範圍愈大﹐但並不代表看到極光的機會愈高﹐很多人都對這個說法有誤解。KP值愈高只是代表帶電粒子的速度愈快﹐便碰撞更大﹐能量更強﹐因而產生更粗更大的極光帶﹐所以覆蓋的範圍亦更廣。然而﹐雖然KP值愈高覆蓋範圍愈大﹐但亦需配合天氣狀況﹐例如雲層的厚度或覆蓋、風向、煙霞、月亮的亮度、天空清徹度等﹐才能準確地預測看到極光的可能性﹐所以KP值勉強只是代表極光的強弱度。事實上﹐除非太陽活動強至太陽風暴的程度﹐否則要達到KP 5以上也算是較罕有；能達到KP 3已是很不錯的程度了﹐而在冰島最常見的指數為1-3級﹐所以大家都喜歡跑到冰島追蹤北極光﹐而KP 0及KP 9於冰島是極少數會出現的情況。所以這個天文現象﹐可以說是全靠運氣！就算當晚的KP值十分高﹐亦必需天氣情況配合﹐才有機會看到極光大爆發！

上圖清楚顯示了整個冰島也位於KP 1至KP 3極光帶內﹐即是整個冰島也被極光覆蓋﹐能看到極光的KP值要求也不高﹐是日常比較容易達標的指數﹐所以冰島是追蹤北極光的熱點！

極光預測apps

而家坊間都有大大小小唔同既極光預測APPS可以睇到未來數小時、甚至未來幾星期既極光指數﹐當然仲睇到當刻同未來數小時既天氣﹐例如雲量、極光可視機率等等﹐小編強烈建議你出發前先DOWNLOAD定1-2個APPS﹐咁就唔洗成日係室外捱凍同盲目咁等啦！

1. My Aurora Forecast
呢個係小編比較常用同推薦既﹐佢除左提供必需既KP值之外﹐仲有雲層覆蓋預測、可視機率、太陽風預測﹐助你更準備同有效地計算出睇到極光既可能性。

另外﹐APPS入面設有AURORA MAP﹐清潔指出當刻極光帶既覆蓋位置﹐可以見到冰島呢一刻全島被覆蓋！另外都有附上當刻最佳睇極光既地點﹐令你更容易追蹤北極光。

你仲可以係APPS入面自己設定KP值指數﹐當個刻或當日既KP值高於你自定既指數﹐佢會發出alert提醒你既身處位置即將睇到極光；或者可以自訂提前一小時或於當日下午就提醒你個晚既極光可視機率﹐咁大家就可以輕鬆做個天文達人﹐跟住個APPS去追蹤北極光啦！

仲有一個好處﹐佢會提供未來一個月內既極光指數預測﹐不過當然一定唔會太準確啦！始終天氣呢樣野都係好浮動既﹐不過都可以當係一個參考﹐幫助你計劃之後既行程。

可以去Gallery睇下世界各地既極光相！

2. Aurora Alerts
呢一個都係大家較常用既APPS﹐不過小編就無咁推薦﹐因為好多服務都要收費﹐例如各方面既alert提示﹐未來一個月既極指數預測等等都係付費項目﹐比起My Aurora Forecast就無咁化算啦！

可以睇到未來幾日既極光指數預測。

首頁既當日極光預測介面就較為User-friendly﹐清楚易睇。

一樣有極光帶覆蓋位置地圖。

不過佢都有個優勝之處﹐就係可以自定幾個唔同地點作極光預測﹐方便你計劃行程同路線。

3. Icelandic Met Office
網址：https://en.vedur.is/weather/forecasts/aurora/

黎到冰島，可以參考呢個網頁，睇下雲層分佈，同預測睇到極光既機率。白色代表無雲，所以睇到極光既機會會較大！
可以移動地圖下面個時間線，睇下你身處既地方會係幾點會無雲或較少雲。
好似下面張圖咁，10點鐘，白色部分如近首都既Hella、冰河湖附近、米湖、或者係東部，雲層比較少，就可以前往這些地方追光!
不過極光指數只得1 (最高係9)，睇到極光既機會較低。

禦寒衣物

由於通常都係郊區等睇北極光，所以要著夠禦寒衣物保暖！而且冰島成日都好大風架，最好穿著防風的衣著，以免凍襯！

• 臉罩 – 大風時，都會吹到塊面好凍，有臉罩會暖好多！
• 暖包 – 小編最鐘意暖包放係對鞋入面，因為長期踩係雪上面﹐都幾凍咖。

其他物資準備

• 小吃—睇北極光，係要等既，要等幾耐，真係無人知。所以除佐食西北風，帶定零食小吃放係車，例如朱古力、餅乾等乾糧，以備不時之需。
• 熱茶—天寒地凍，最好隨身攜帶熱茶暖水，保持體溫﹐所以必備！
• 電筒—係黑蚊蚊既地方，有支電筒係方便好用既，例如睇下個地係咪安全可以行，或者影相時要睇下相機設定。

北極光拍攝

器材

器材列表：

• 相機（必備）
• 腳架（必備）
• 鏡頭：推薦超廣角大光圈鏡頭
• 備用電池
• 快門線（選配）
• 電筒

手機還是相機？

大部份手機都無法拍攝北極光，不過想拍攝漂亮的照片，還是乖乖帶相機吧。

手機

簡單手機設備：

腳架：建議使用﹐但唔好拉得太高﹐否則容易比風吹郁
鏡頭：建議額外加廣角鏡
行動電源：太凍好容易突然死機﹐最好帶個後備叉電﹐咁熄左機都唔怕
閃光燈：自拍補光燈都可以考慮﹐不過有機會唔夠光﹐影唔到企得太遠既人像

簡單手機設定：

定時：2秒定時可以盡量避免影相時手觸摸螢幕時既震動
APPS：好多設有相機設定既APPS都要收錢﹐如果唔想比錢﹐可以係Apps store search “slow shutter”﹐都會搵到有關調整ISO同曝光等等既APPS

相機

相機最好有以下功能：

1. 能手動設定光圈、曝光時間和感光度ISO
2. 能拍攝raw檔案，方便後期製作使用（不是必需的）

相機鏡頭：
最好使用超廣角大光圈鏡頭。
超廣角 – 建議最少18mm
大光圈 – 最佳為F1.4 – F2 的鏡頭，通常大光圈(數目愈細)鏡頭價錢愈貴。建議最少使用F2.8的鏡頭拍攝北極光以獲最佳效果

相機帶最少兩舊電：
拍攝前最好把電池充滿，另外多有一至兩個備用電池。不要把備用電池放到外面，保持溫暖。

腳架：
腳架是必備的。因為拍攝北極光需要長時間曝光，所以為免拍攝相機移動而令相片變曚，需要使用腳架固定相機，令相片清晰。

快門線 (shutter release)：
因為拍攝北極光需要長曝光時間，因為怕按下快門引致相機移動，所以用快門線就可以解決防手震呢個問題。用手機apps也可以當作遙控快門（remote shutter)，但天氣咁凍，手機會好快無電開唔到，所以建議另外帶快門線。這不是必需的。

足夠的記憶卡空間：
去到冰島，風景咁靚，真係會日影夜影，所以小心影爆咭！如果怕影爆咭，就帶多兩張記憶卡做後備啦！影影下相發現無空間影真係好掃興架！

手機或相機會容易沒電和死機？
如果處於-5度的氣溫一段時間，手機的電的確會用得好快，突然短時間內由60%電會跌到10%都有可能！所以咁凍既時侯，最好長時間放係袋內面保暖，有需要時先拎出黎用。

暫時在冰島還沒有試過遇上相機因天氣凍而相機開不到，不過都帶定後備電，可以安心影相。反而要注意落雨時要好好保護相機，有團友試過落雨無收好相機，相機入水開唔到機。放佐幾日室內暖返，好彩過幾日可以正常試用。記住要好好保護相機！

技巧/ 相機設定

可以參考以下相機設定：

使用手動模式 (M-Mode)
光圈(aperture)：F1.4 – 2.8
快門(shutter speed)：4-10秒
感光度(ISO): 1600-6400

• 光圈—視乎鏡頭而定，建議設定愈大愈好(數目愈細)。
• 快門—快門決定曝光時間，通常拍攝北極光，會最少設定4秒以試的曝光時間。視乎當時北極光強弱程度而定，如北極光強，可使用較少秒數的快門設定，相反北極光較弱，需使用較長秒數的快門設定。
• 感光度—如果可以，盡量設定較細的感光度，以獲得較高的相片質素。

三者之間的設定會影響到整張相片的拍攝效果，所以需要按當時情況而調整設定。多加練習便可拍攝出漂亮的極光相片！

• 對焦 — 鏡頭對焦方面，因為天黑而且無一個焦點可以對焦，所以無法自動對焦。使用手動對焦時，一般設定為無限遠對焦。把鏡頭轉到無限遠，然後回轉一點點。

**拍攝raw檔案，方便後期製作使用**

可以參考以下相片的相機設定：

這張相片，沒有修圖，拍攝設定如下：
相機：Sony A7iii
鏡頭：Samyang F2.0/12mm NCS CS (APS-C鏡頭，不是全片幅) APS-C 12mm=全片幅18mm
曝光：3.2秒
感光度ISO：1000
光圈：F 2.0
手動對焦

後期製作

修圖主要有幾個主要動作：
調高曝光(exposure)
加強對比(contrast)
調高陰影 (ambience/shadow)
調低明亮部分 (hightlight)
提高清晰度 (Sharpen/clarity)

如果有人像，也可局部調光，突出人像。
修圖按個人喜好調整，不同動作修改一下，會帶出不同效果，慢慢調整到自已喜歡的效果!

手機方面，推薦使用snapseed或lightroom修圖。先要把相機拍攝的相片匯到手機，再作後期製作。如果使用Raw檔案拍攝，可以在電腦版的lightroom 作後期製作。

手機Snapseed app

由於拍攝極光時，天空較黑，而且為了避免極光因長時間曝光而過份曝光失去細節，所以利用後期製作修圖，另相片更好看。

電腦版lightroom

未修圖前，也能清楚看到極光，但修圖後，更能突出人物和極光色彩，亦能清楚看到星星。

又影北極光又影到清楚人樣，其實唔難！

在不同地點和時間拍攝的照片，出來的相片效果也不同，所以修圖動作也會有分別，要花時間獨立處理哦。

如何拍攝極光片段？

要拍攝極光片段，其實是由很多張極光相片組合而成。你可以用遙控快門線設定，自動每5-10秒拍一張相片。然後在電腦中順序把相片上載到可以製成Gif的網站，製作出極光短片。

使用錄像拍攝極光短片，你會發覺在相機中根本無法看到極光。

睇下以下Angel 拍攝的極光短片：

咁迷人的極光舞動，睇完係咪想立即飛去睇北極光呢?

如果你想學習同練習拍攝北極光，又想知道後期修圖的技巧，咁就可以跟我地玩轉冰島的旅遊拍攝團。Angel同Jowy會帶你周圍玩轉冰島，如果你想學影相，或者鍾意俾人影相，呢個團都會好啱你！

玩轉冰島系列詳情 按此

注意安全

如果大家跟團追蹤北極光﹐由於旅遊巴會隨時停泊係睇到北極光既位置﹐而夜晚冰島既公路大多數都無咩街燈﹐環境偏暗﹐好多時都係靠車頭燈。而同時又會有唔小車經過或者一齊停低睇北極光﹐所以落車時一定要非常小心﹐先左右望有無車靠近﹐落車之後馬上走到行人路﹐好多時掛住抬頭望北極光都無留意周圍交通情況﹐所以一定要留係行人路﹐千萬不要走出馬路並停留﹐特別係影相時候﹐呢一點真係要十分注意！以免樂極生悲。

如果自駕遊的話﹐咁我地就建議大家配備一件反光背心﹐因為人數較小﹐變相其他道路使用者會更加難係咁黑既環境下見到你﹐所以盡量以反光既物件令自己突出啦！

欣賞北極光地點推薦

之前講過，遠離城市光害既地方就最適合欣賞北極光。其實遠離城市，住係郊區酒店，一出門口，都有機會可以睇到北極光。不過如果你想要一個靚背景，就可以去以下地方欣賞北極光！

雷克雅未克市市中心附近

Grótta
Grótta 係距離雷克雅未克市中心5公里既一個小半島，個度有一個Grótta燈塔並且無光污染，適合觀星同睇北極光。

Öskjuhlíð
Öskjuhlíð位於距離雷克雅未克市中心3公里既一個山頭，個度就係出名既珍珠樓所在地。雖然會受到雷克雅未克市中心光害影響，但係山頭可以一覽無遺附近既風景，真係唔錯架！

Blue Lagoon 藍湖
藍湖除左出名浸溫泉之外﹐入黑之後先去既話仲有機會一邊浸一邊欣賞極光！不過睇到極光既機會比其他地方較低﹐可能要係個到住一晚會比較好！如果有興趣﹐可以聯絡我地幫你訂藍湖既住宿酒店。

Thingvellir 辛格維利爾國家公園
冰島必去既黃金圈，係入夜之後，係一個好合適賞北極光既地方！如果你係Geysir間歇泉或Gullfoss黃金瀑布附近﹐完全可以就地取材拎黎做背景！

南岸

Jokulsarlon 冰河湖
全冰島最出名既冰河湖，真係無需要介紹。北極光配冰河湖，一流！

Skogafoss 彩虹瀑布
南岸沿途都有幾個着名瀑布﹐而彩虹瀑布就係其中之一﹐係澎湃既水量襯托下既北極光顯得格外突出。

西岸

Kirkjufell教堂山
位於斯奈山半島既教堂山應該完全唔陌生﹐事關全冰島最出名既明信片就係係呢到影！特別既山峰、小瀑布配北極光﹐超靚！

北部

米湖地區
米湖地區既景點應有盡有﹐例如火山口、溫泉、地熱區、火山湖等等﹐每一個地方都好岩做北極光既襯托品﹐你盡可以選擇入夜後一路享受米湖溫泉﹐一路等極光！

北極光團推薦

係冰島參加北極光團有一個好處，如果出佐團睇唔到北極光，可以第二日免費再去睇。不過因為咁，所以如果旅行社估計當晚睇唔到北極光，就會決定唔出團。每日大約傍晚6時，酒店前臺會有一個牌，顯示旅行社會否當晚出團先北極光。如果唔肯定，可以問酒店前臺既職員幫手，佢地通常都好好人，會幫你打比冰島當地旅行社問。

當地都有好多大大小小唔同形式既北極光團，我地整理好，為你推薦以下既北極光團：

一天團

探索北極光之旅（巴士團）：
最基本既大巴北極光之旅﹐最多40人﹐係首都雷克雅未克出發﹐呢個係平價之選﹐不過就比較多人一齊出發﹐係極光季節時晚晚都會有團﹐如果導遊決定當晚真係睇唔到北極光﹐仲可以再次免費參加咖！
價錢：ISK 5,900 （大約HKD $369）
詳情請按此查詢

奇妙極光之旅（小巴團）：
想舒服啲既就有呢個小巴團﹐小團出發﹐最多都係28人﹐會由專業既導遊提供個人化服務﹐完左仲會送返張你同北極光既免費合照比你！
價錢：ISK 9,990（大約HKD $629）
詳情請按此查詢

阿克雷里巴士極光之旅：
以上兩團都係由雷克雅未克出發﹐如果你既行程未能配合﹐另外係北部第二大城市阿克雷里都有提供追蹤北極光既大巴團
價錢：ISK 9,900（大約HKD $619）
詳情請按此查詢

雷克雅未克北極光海上之旅：
嫌係陸路上睇唔夠特別？放心﹐我地仲可以坐船出發﹐船上設有休息室、暖氣同WIFI﹐係觀景甲版睇完北極光後﹐入返室內暖氣休息室歎下就岩啦！
價錢：ISK 10,990（大約HKD $689）
詳情請按此查詢

一天以上團

冬季2天團：藍冰洞、南岸、冰川步行、冰河湖、北極光：
兩天團推介就有呢個包含哂東南部冬季熱門勝地：藍冰洞、南岸、冰河湖同冰川步行﹐我地會係第一晚完成活動後嘗試追蹤北極光
價錢：ISK 49,900（大約HKD $3,109）
詳情請按此查詢

冬季3天團：藍冰洞、黃金圈、冰川步行、冰河湖、北極光：
三天團就同上面既兩天團差唔多﹐不過多左黃金圈﹐我地會係第二晚嘗試追蹤北極光
價錢：ISK 74,900（大約HKD $4,669）
詳情請按此查詢

冰島冬季6天環島之旅：
環島團就有呢個6天既推介﹐以上黃金圈南岸冰河湖等等都包括在內﹐另外會繼續向北部進發﹐途經東峽灣﹐以北部米湖地區、黑色城堡同阿克雷里為終點﹐最後返到雷克雅未克解散﹐旅程中每晚我地既導遊都會密切留意天氣情況﹐許可既話會一齊出發追北極光！
價錢：ISK 165,900（大約HKD $10,339）
詳情請按此查詢

冰島冬季8天環島之旅：
如果你有多啲時間﹐可以考慮呢個8天環島團﹐比上面既6天團多左西部行程﹐會深入探索斯奈山半島﹐會到訪着名明信片熱點教堂山﹐個到絕對絕對係睇北極光既最好地方！價錢：ISK 213,900（大約HKD $13,329）
詳情請按此查詢

8天北極光追蹤團玩轉冰島系列：
如果係北極光愛好者﹐呢個團真係岩哂你！係8日環島入面一連6晚都會帶你出去追北極光﹐捕足極光既機會高達85-98%！包埋藍湖入場劵﹐幾抵玩。呢個團舒適度都唔錯﹐會有啲日子係連住咁住酒店﹐就唔洗成日走黎走去搬行李啦。
價錢：HKD $15,975
詳情請按此查詢

10天以上玩轉冰島系列：
玩轉冰島系列係冰島易遊自家設計行程既旅行團，行程為10天或以上既深度遊。由香港人攝影師隨團出發，除佐帶你去睇同去玩冰島最潮景點，仲會為你沿途拍下動人時刻，去完旅行仲會送返本極具紀錄價值既相片集比你地！好動、鐘意影相同玩既你千祈唔好錯過！
價錢：HKD $28888起
詳情請按此查詢

住宿推薦

有一些酒店有northern light call 服務，即係有北極光出現時，會打電話或敲門通知你。記住check in 時問清楚登記，好好善用呢個服務！

Northern Lights Inn
又名北極光客棧﹐佢同藍湖距離大約只有一公里﹐開車只需要3至5分鐘﹐非常近﹐來回藍湖都有提供免費接駁巴士﹐早起身既話仲有機會可以成為第一位藍湖既客人！另外佢設有Northern Light Call服務﹐有北極光出現時會即刻打電話通知你﹐需要服務既話記住同前台既服務員講聲啦！

詳情請按此查詢

ION adventure hotel
又名離子酒店﹐係一間較現代化裝潢既酒店﹐以冷色調為主﹐主打係同冰島自然環境既互動及融入﹐佢既溫泉係由天然既地熱能源動力﹐位於辛格維爾利（Thingvellir）國家公園旁邊﹐所以同黃金圈路線都非常接近﹐地理位置偏遠及遠離城市燈光既地區﹐天氣好既時候比較容易睇到北極光。另外﹐酒店內既Northern Lights Bar坐擁空曠既視野﹐亦都係另一個睇極光既熱點。

詳情請按此查詢

Hotel Ranga
又名朗高酒店﹐位於南部﹐坐落較偏遠既田園區﹐係一間以簡撲同木為主題既酒店﹐周邊享有各種自然景觀作追蹤北極光既背景﹐例如Rangá salmon river、海克拉山（Mount Hekla）、Eyjafjallajökull火山﹐係一間較高級既酒店！入夜後如果有北極光出現﹐酒店設有叫醒服務﹐並關閉所有燈光為客人提供最佳觀賞經驗﹐更加設有內部觀星台﹐好專業咖！

詳情請按此查詢

Buubble
又名泡泡酒店﹐離首都雷克雅未克大約93公里之外﹐絕對絕對絕對係一個睇北極光既好去處！全透明呈圓形既酒店﹐冰島既天空就係你既屋頂﹐一抬頭就有機會睇到北極光﹐好浪漫呀！每間房都係獨立並被森林圍住﹐為住保障客人私隱﹐係官網上無寫明確實地址﹐佢就好似一個泡泡帳篷﹐採用PVC材質防水阻燃﹐由於空間有限﹐所以房間入面無設有洗手間﹐不過附近就配備左公共區域﹐洗水間同廚房都有。

詳情請按此查詢

總結

到冰島看北極光，真的需要點運氣，所以建議大家到冰島玩，重點是欣賞冰島這個美麗的國家 – 大自然、文化、人民等……看到北極光是bonus, 看不到也不用太傷心，下次再碰運氣。最重要是在冰島玩得開心！預祝大家在冰島看到驚人漂亮的北極光！

想跟Angel 玩轉冰島？機會黎喇!

Angel 精心設計的獨特行程，帶你玩轉冰島每個角落！每團最多19人，小團出發，名額有限。Angel仲會擔任攝影師，幫你地拍下係冰島既動人時刻。立即報名 ↡ ↡

玩轉冰島系列
2019年11月或2020年3月 ↠ 冰島10天深度北極光、藍冰洞環島之旅
2020年6月 ↠ 冰島追蹤海鸚鵡puffin之旅
2020年9月 ↠ 冰島12天北極光、冰川獨木舟、彩色火山健行及雪山登頂深度環島之旅

Angel的攝影作品↡
http://www.angelhophotography.com

此文章由Travel with Angel 和冰島易遊編輯共同撰寫

冰島易遊提供多達80個以上不同種類的冰島旅遊項目，集合冰島20多間最專業營辦商，讓你一站式預訂所有冰島活動! 另有玩轉冰島系列，由香港的攝影師同團出發，帶你玩盡冰島，拍下旅程喜悅時刻。

冰島易遊網址：http://icelandeasy.com/zh-hant/